Kabayan, umatras na sa senatorial race sa Halalan 2022
Hindi na kakandidatong senador sa Halalan 2022 si "Kabayan" Noli de Castro. Ayon sa dating bise presidente at brodcaster, naisip niyang mas makakapagsilbi siya sa publiko kung mananatili siya bilang isang mamamahayag. "Isinumite ko ang aking kandidatura sa Comelec noong Biyernes. Ngunit nagkaroon ng pagbabago ang aking plano," "Nais kong iparating sa lahat ng aking mga kaibigan at supporters na naghahanda na sanang tumulong sa akin, na nagpasiya akong hindi na ituloy ang aking kandidatura," "Gayunpaman, hindi po nagbago ang aking layunin at hangad para sa bayan. Kasabay ng pagdarasal sa Poong Nazareno, napag-isip-isip kong mas makakatulong ako sa pagbibigay ng boses sa ating mga kababayan sa pamamagitan ng pamamahayag," paliwanag ni kabayan. Tatakbo sanang senador si kabayan sa ilalim ng Aksyon Demokratiko ni Manila Mayor Isko Moreno, na tatakbong pangulo ng bansa. Nagpasalamat si kabayan sa pagtitiwala sa kanya ni Yorme. Narito naman